നാട്ടിലേക്കുള്ള സ്വപ്നം - Nattilekkulla Swapnam
ഡൽഹിയിലെ ഒരിടത്ത് നിന്നും മറ്റൊരിടം ഫേസ് 2 ലേക്ക് പോകുന്ന 003നമ്പർ ബസ്സിൽ ഇടയിലെ സീറ്റിൽ സ്വപ്നൻ കയറി ഇരുന്നു. കൂടുതലും ഹിന്ദിക്കാരായിരുന്നു. വലതു വശത്ത് മുൻസീറ്റിന് പുറകിലായി മലയാളികളായ അപ്പച്ചനും, അമ്മച്ചിയും ഇരുപ്പുണ്ടായിരുന്നു. സ്വപ്നൻ പതിയെ സീറ്റിന്റെ പിന്നിലേക്ക് ചാരി ഇരുന്നു. സീറ്റിന്റെയും അവന്റെ പുറത്തിന്റെയും ഇടയിലായി എന്തോ ഒന്ന് ചെറുതായി അമരുന്നതായി തോന്നി. അത് പിന്നിൽ ഇരുന്ന ഒരു മധ്യ വയസ്കന്റെ കൈകൾ ആയിരുന്നു. സ്വപ്നൻ തിരിഞ്ഞു നോക്കിയതുമില്ല. ആരും ഒന്നും മിണ്ടിയതുമില്ല. സ്വപ്നൻ പതിവുപോലെ ബസ്സിന്റെ പുറത്തേക്ക് കണ്ണോടിച്ചു. അവന്റെ സീറ്റിന്റെ ഇടതുവശത്ത് ആരോ വന്നിരുന്നതും, കൂടെ രണ്ട് പിള്ളേർ വന്ന് സ്ഥലം പിടിച്ചതും, ഒന്ന് അവന്റെ മടിയിലേക്ക് ചാടിയിരുന്നതും പെട്ടെന്നായിരുന്നു. സ്വപ്നൻ പുറത്തേക്ക് തന്നെ നോക്കി ഇരുന്നു. ബസ്സ് പതിയെ നീങ്ങി തുടങ്ങി. പരസ്പരം അറിയാവുന്നവരും, അറിയാത്തവരും കല പിലാന്ന് ചിലക്കാൻ തുടങ്ങി. ബസ്സ് സാധാരണ പോലെ വേഗതയിൽ പോകാൻ തുടങ്ങി. പതിയെ എവിടെ നിന്നോ ചെണ്ട മേളത്തിന്റെയും, ചെങ്കിലയുടെയും, ശബ്ദം കേട്ടത് പോലെ തോന്നി. പതിയെ പതിയെ ആ ശബ്ദത്തിന