ചുംബനം തീണ്ടലാണോ ?

ചുംബനം തീയാൽ തീണ്ടതാണ്...
ചുംബനം തീണ്ടലാണോ ?
അതെ... തീണ്ടലാണ്
എപ്പോൾ ?
ചുംബനം രാഷ്ട്രീയമാകുമ്പോൾ !!!
ചുംബനം സ്വകാര്യവത്‌കരിക്കണം
വമ്പൻ കോർപ്പറേറ്റുകൾ ഏറ്റെടുക്കണം
ചൂലെടുപ്പിച്ചതും, മരം വെച്ചു പിടിപ്പിച്ചതും പോലെ
വലിയ സെലിബ്രിറ്റികളെ കൊണ്ട്
ഷെയർ ചെയ്യിപ്പിക്കണം
അല്ലെങ്കിൽ !!!
രാജഭരണം വീണ്ടും വരണം
മഹാബലിയെ തിരികെ അധികാരമേല്പ്പിക്കണം
പരശുരാമനെ കൊണ്ട് വീണ്ടും മഴു എടുപ്പിക്കണം 
കുരുമുളക് കൃഷി എല്ലാ വീട്ടിലും തുടങ്ങിക്കണം
കുരുമുളക് കൊണ്ട് കേരളം വിളയണം
അയൽ രാജ്യങ്ങൾ അസൂയ പൂണ്ടണം
ബ്രിട്ടീഷുകാർ വന്ന് രാജ്യം പിടിച്ചടക്കണം
അങ്ങനെ എല്ലാ സ്വാതന്ത്ര്യവും നഷ്ട്ടപ്പെടണം
സ്വാതന്ത്ര്യത്തിനായി അവർക്ക് മുൻപിൽ
ചുംബന സമരം തുടങ്ങണം!!!
അപ്പോൾ ചുംബനം തീണ്ടലാകില്ല...